Pa mor Uchel?

Y tro cyntaf i mi deithio ar awyren, roeddwn yn 17 mlwydd oed ac yn teithio yn ôl o Jersey yn ystod lleoliad gwaith naw mis yno. Doedd gen i ddim syniad beth i’w ddisgwyl ond, wrth i ni ddringo dros y cymylau, cefais fy nghario yn ôl i’r straeon Enid Blyton yr oeddwn wrth fy modd â nhw pan yn blentyn lle roedd tylwyth teg yn cerdded ar y cymylau! Roedd yn edrych fel y byddech yn gallu camu allan ac eistedd ar y cymylau gwlan cotwm a syllu dros yr ochr ar y byd oddi tano.

Pan ‘da chi yn uchel, ‘da chi’n medru gweld ymhellach nag os ydych ar y llawr ac mae gennych bersbectif cwbl wahanol ar bethau. Mae hyn yn wir am y rhai sydd wedi eu galw i ddangos uchder cariad Duw. Maent yn medru “gweld” peth o’r hyn sy’n dod. Mae rhai yn gweld trwy weledigaethau, breuddwydion a datguddiadau ac eraill yn cael teimlad na ellir ei esboinio. Bydd rhai yn ymwybodol o’r hyn sy’n digwydd yn y byd ysbrydol, yn gwybod beth yw’r frwydr ysbrydol sydd ar y gweill ar y pryd...darllen ymlaen

Pa mor hir?

Effesiaid 3:18 Dw i am i chi, a phobl Dduw i gyd, ddeall mor aruthrol fawr ydy cariad y Meseia – mae'n lletach, yn hirach, yn uwch ac yn ddyfnach na dim byd arall!

Wrth i mi feddwl am sut mae corff Crist yn dangos hyd cariad Duw, fe wnes I gael fy hun yn canu "He ain't Heavy, He's my Brother" gan Yr Hollies.

The road is long

With a many a winding turn

That leads us to who knows where

Who knows where

But I'm strong

Strong enough to carry him. He ain't heavy, he's my brother.

Mae yna bobl wirioneddol rhyfeddol sy’n dewis cychwyn ar lwybr dieithr i helpu i gario brawd mewn angen. Maent yn ildio eu bywydau i wneud bywyd rhywun arall yn well. Dyna weithred o gariad.

Yn yr Iseldiroedd yn ystod yr Ail Ryfel Byd, bu Casper ten Boom a’i deulu yn helpu i guddio ac achub tua 800 o Iddwwon cyn iddynt gael eu cofnodi a’u harestio. Roedd Casper yn 84 mlwydd oed ar y pryd a bu fawr 9 diwrnod ar ôl cael ei garcharu. Anfonwyd ei ferched, Corrie a Betsie i Wersyll Ravensbrück. Mynnodd Betsie eu bod yn “ddiolchgar beth bynnag ydy'ch sefyllfa chi. Dyna sut mae Duw am i chi ymddwyn, fel pobl sy'n perthyn i'r Meseia Iesu”. Dyna dystiolaeth o ffyddlondeb. Yn drist, bu Betsie fawr yn y gwersyll ond rhanodd ddoethineb arall gyda Corrie ychydig cyn hynny “Nid oes pydew yn rhy ddwfn nad yw Duw yn ddyfnach eto”. Deuddeg diwrnod wedyn, cafodd Corrie ei ryddhau. Flynyddoedd wedyn, fe faddeuodd i’r un y gwnaeth ei frad arwain iddynt gael ei garcharu ac un o’r gardiaid a fu yn arbennig o ffiaidd yn y gwersyll....darllen ymlaen

Pa Mor Ddwfn?

Blynyddoedd yn ôl, bues yn nofio scuba tra ar ein gwyliau yn Corfu. Ar ôl mwynhau pnawn yn nofio gyda snorcl, fe benderfynom ni fentro ymhellach ac yn ddyfnach i’r môr gan y byddai hynny’n siwr o fod yn well. Ar ôl gwisgo pob dim a neidio i’r dwr, wrth i’r gweddill o’r grwp fynd yn syth lawr i wely’r môr, roeddwn i dal yn arnofio ar yr wyneb. Fe gês i fwy o bwysau ond wnaeth hynny ddim helpu. Rwyf wastad wedi hoffi nofio ond roedd yn amlwg yn fuan nad oes ots pa mor dda oedd yr offer ar y tu allan, doeddwn i ddim wedi fy arfogi ar y tu fewn! Fe wnes i ddal i nofio ar yr wyneb yn gwylio mewn syndod a rhyfeddod wrth i’r bobl hynny oedd yn ddewrach na fi fynd i lefydd na allwn i eu cyrraedd.

Effesiaid 3:18 “Dw i am i chi, a phobl Dduw i gyd, ddeall mor aruthrol fawr ydy cariad y Meseia – mae'n lletach, yn hirach, yn uwch ac yn ddyfnach na dim byd arall!”

Fel rhan o gorff Crist, mae rhai yn cael eu galw i ddangos dyfnder cariad Duw. Mae’r bobl hyn yn sensitif ac yn gofalu’n ddwfn. Maent yn teimlo poen eu cyd-ddyn fel tasai yn perthyn iddyn nhw. Maent yn fodlon bod yn agored am eu teimladau ac yn creu llefydd diogel i bobl eraill fod yn fregus. Maent yn gwrando nid yn unig ar beth sy’n cael ei ddweud ond ar y geiriau sydd heb eu ynganu yn y tawelwch. Er mwyn i eraill gael iachâd, maent yn gwrando ar straeon y byddai’r rhan fwyaf ohonom yn cuddio oddi wrthynt. Mae’r rhai sydd wedi eu donio yn gallu dangos trugaredd Duw mewn ffordd mor anhygoel a maent yn gwnselwyr naturiol sydd yn arfer cael pobl yn agor i fyny iddynt a rhannu eu pryderon a’u loes calon. Mae dysgu gosod ffiniau iach yn allweddol! ...read more